गजल

- यात्री शेखर

मैले आकाश खसाउनुछ र त गजल लेख्छु ।
यो बतास बसाउनुछ र त गजल लेख्छु ।

घाम जुन रातदिन गर्दै किन लुकामारी खैल्छन् ?
दुवैलाई फसाउनुछ र त गजल लेख्छु ।

देख्छु आजकाल मानवियता टुक्रदै गएको छ,
संवेदना पसाउनुछ र त गजल लेख्छु ।

अरु हैन आफैबाट सकिदैछ मान्छे यहाँ,
विकृती भसाउनुछ र त गजल लेख्छु ।

आ आफ्नै चोटब्यथा दुःखी रा’छ हरेक मान्छे,
सबैलाई हसाउनुछ र त गजल लेख्छु ।

टकुवा ७ मोरंग, हाल: इटहरी, सुनसरी

प्रकाशित मिति : प्रकाशन मिति : शुक्रबार, 10 आसाढ, 2068

लेखकका अन्य रचनाहरु