गीत

- नवराज सुब्बा

सिङ्गो जीवन वलिदान दिनेलाई सलाम
जनता र देशका लागि मर्नेलाई सलाम ।

देशको मुहार फेर्न तिमी सधै अघि बढ्यौ
समानता र न्याय खातिर लड्दालड्दै मर्‍यौ
यस्त वीर सपुतलाई लाखौं लाख सलाम
जनता र देशका लागि मर्नेलाई सलाम ।

जनताका आवाजमा आफ्नो बोली गाँस्दै
आफ्ना हक खोस्नेसित हरदम लड्दै
हार कैले नमान्ने योद्धालाई सलाम
जनता र देशका लागि मर्नेलाई सलाम ।

शोषित पीडित जनताको आत्मवल भर्ने
दीन-दुःखीका सपनालाई अति माया गर्ने
भेदभावका पर्खाल तोड्ने वीरलाई सलाम
जनता र देशका लागि मर्नेलाई सलाम ।

प्रकाशित मिति : प्रकाशन मिति : शुक्रबार, 20 कार्तिक, 2066

लेखकका अन्य रचनाहरु