गजल

- नवराज सुब्बा

तिमीलाई माया गर्दा म त रित्तो प्याला बनेंछु
हराई चाबी बाटोमा म त बन्द ताला बनेंछु ।

दुवै आँखामा आँसु एकै बगेनन् कि क्या हो
आफूलाई नै घोच्ने म त तीखो भाला बनेंछु ।

सिउरिदिएको त्यो फूल ओइली झर्‍यो कि कसो
गलामा म बस्दा बस्दै चुँडिएको माला बनेंछु ।

सत्याग्रहमा कहिल्यै बस्दै बसेको म होइन
ओढेकै थिएँ घामछाँया हाड छाला बनेंछु ।

प्रकाशित मिति : प्रकाशन मिति : शुक्रबार, 5 मङ्गसीर, 2066

लेखकका अन्य रचनाहरु