गजल

- नवराज सुब्बा

घामपानी छेक्ने छानामा जलाउने खर चाहिएन
बोलिन्छ नाम बोलाउँदा जुधाउने थर चाहिएन ।

मिलेर रोप्यौ पिपल बनायौं साझा चौतारी
न्यायको छायाँ यात्रुलाई नदिने बर चाहिएन ।

एकता हाम्रो टुटेमा दुस्मनले घर बिगार्लान्
बर्सिए बैरी झरीझैं ओतिने भर चाहिएन?

कसैले आई फुटाए यी हात जोडन फैलन्छन्
पार्दिन टुक्रा आफूलाई मै मर्ने डर चाहिएन ।

प्रकाशित मिति : प्रकाशन मिति : बिहीबार, 27 फागुन, 2066

लेखकका अन्य रचनाहरु