गजल

- ऋषि बस्ताकोटी

खराबहरू बीचको असल छान्दैछु म कसो गरूँ !
कहिल्यै नजानेको मन्त्र अहिले जान्दैछु म कसो गरूँ !

जित्नेहरू पाखा लागे, सिङ्गै मैदान हार्नेलाई भो;
कहीं नभएको उल्टो हिसाव मान्दैछु म कसो गरूँ !

फल्छ भन्थे जरुर फल्छ, मौसममा झन् सुक्दै गयो;
सुकेकोलाई हरियो रुख ठान्दैछु म कसो गरूँ !

कसले रोक्छ कसले छेक्छ, आँधी तूफान आयो भने;
तरै पनि च्यातिएको पर्दा अझै तान्दैछु म कसो गरूँ !

सेन्ट पौल हस्पिटल, भेन्कुभर, क्यानडा

प्रकाशित मिति : प्रकाशन मिति : शुक्रबार, 20 चैत्र, 2066

लेखकका अन्य रचनाहरु