गीत

- रोहन चर्मकार समिप

यता टाले उता चुहिन्छ गरीबका छाना बैरी
जति भरियो रित्ती रहेने दुखियाका माना बैरी ।

बर्षात सँगै रुज्दै हिउँद सँगै खिए पनि
रत्ती भर पाप छैन दुखी जिबन जिए पनि
आँधीसँगै पल्टिदिने जिन्दगीका पाना बैरी
जति भरियो रित्ती रहेने दुखियाका माना बैरी ।

निधारका पसिनाले माटो सिंचित गरे पनि
हाँसी खुशी सहिदिन्छन् जति दु:ख परे पनि
समाजका उपनाम गरीबका साना बैरी
जति भरियो रित्ती रहेने दुखियाका माना बैरी ।

संखुवासभा ११, रातमाटे

प्रकाशित मिति : प्रकाशन मिति : शुक्रबार, 11 भाद्र, 2067

लेखकका अन्य रचनाहरु