गजल

- आचार्य प्रभा

आशारुपी घुम्टो ओढेँ घात लाग्यो
निस्वार्थले काम गरेँ बात लाग्यो ।

यस्तै रैछ मेरो भाग्य अप्जस् मिल्ने
पिइरैथेँ अमृत् किन मात लाग्यो ।

जे जत्ती नै,गर्न खोजें राम्रो काम
आखिरमा सधैं शुन्य हात लाग्यो ।

भन्छन् सबै जस लिन गार्हो हुन्छ
अपजसी बनी आज लात लाग्यो ।

कर्मरुपी फल पाएँ भन्थेँ मैले
बिडम्बना हरे!कस्तो आघात् लाग्यो ।

जे जस्तो छ, चित्त बुझ्नै पर्ने अहो!
नजान्नाले पनि पीरको खात लाग्यो ।

प्रकाशित मिति : प्रकाशन मिति : आईतबार, 27 भाद्र, 2067

लेखकका अन्य रचनाहरु