गजल

- आचार्य प्रभा

मनको बारी गोड्न खोज्दा ढुङ्गा मात्र पाएँ
त्यसैले पनि पत्थरसंगै मैले प्रीत लाएँ ।

कोमल मन खोज्नु पनि मेरै गल्ती थियो
बिरही बनि किन किन दुखी गीत गाएँ ।

उज्यालो बनि सबै तिर बल्ने चाहा मेरो
बनेर औंशी आँफै भित्र सधैं सधैं छाएँ ।

झुटको खेती गर्न पनि जान्दो रै'छ मान्छे
पर्दिन भर भनि मैले आजै कसम खाएँ

मान्छेको भर पर्दा पर्दै जीवन यसै गयो
ईश्वर मेरो आफ्नो भनि मन्दिर बरु धाएँ ।

प्रकाशित मिति : प्रकाशन मिति : शनिवार, 13 कार्तिक, 2067

लेखकका अन्य रचनाहरु