गीत

- बज्र कुमार राई

जति बग्छन् आफ्नो आँशु आफैंले पिउँला
तिमीले पाए जीवन-साथी म एक्लै जिउँला

सँगै जिउँने रंगीन सपना कति देखें कति
हुन्छ नै रे!लेखान्तमा बिधाताले लेखे जति
यही पीरले फाटेको मन कतैकतै सिउँला
तिमीले पाए जीवन-साथी म एक्लै जिउँला

हिड्दाहिड्दै जिन्दगीमा बिछोडिने मोड आयो
उज्यालो त्यो दिन भोगाइमा अँध्यारोले छायो
यहीबेला माग तिमी बाँकी यो ज्यान दिउँला
तिमीले पाए जीवन-साथी म एक्लै जिउँला

सधैं निर्मल साथ मिलोस् चोटहरु भूलाउनलाई
के चाहीयो र! साथ पाए जिन्दगानी फूलाउनलाई
यसो भन्दै बग्ने आँशु अब आफैं पिउँला
तिमीले पाए जीवन-साथी म एक्लै जिउँला

प्रकाशित मिति : प्रकाशन मिति : वुधबार, 24 कार्तिक, 2067

लेखकका अन्य रचनाहरु