गीत

- मुरारी अर्याल

भै गो अब छाडिदेऊ मायाका ती थोत्रा कुरा,
बुझीसकें चाहिँदैन कलेजीलाई रेट्ने छुरा ।

मनै त हो नरम हुन्छ जता पनि फर्किदिन्छ,
हुँदो हो त ढुंगो बरु फेरिन्नथ्यो तिम्रा कुरा ।
भै गो अब छाडिदेऊ बफादारीताका कुरा,
बुझीसकें चाहिँदैन कलेजीलाई रेट्ने छुरा ।

आधामाथी आधा जोड्दा हुनुपर्ने एक थियो,
आधा मुटु धड्किदिँदा धड्किएन किन पूरा ?
भै गो अब छाडिदेऊ पिरतीका चिप्ला कुरा,
बुझीसकें चाहिँदैन कलेजीलाई रेट्ने छुरा ।

भोली साँचै भेट्न आउने बाचालाई पत्याएर,
एक्लै बसी झोक्र्याएर पिउनेछैन अब सूरा ।
भै गो अब छाडिदेऊ मीठा सपनीका कुरा,
बुझीसकें चाहिँदैन कलेजीलाई रेट्ने छुरा ।

प्रकाशित मिति : प्रकाशन मिति : वुधबार, 24 कार्तिक, 2067

लेखकका अन्य रचनाहरु