गजल

- योगेन्द्र श्रेष्ठ

सपनीमा मृत्युसंग बात गरेको देख्छु ।
नेपालीले नेपालीलाई घात गरेको देख्छु ।

स्वार्थी, लोभीपापीहरुको संसार रहेछ,
दिनको उज्यालोलाई नै रात गरेको देख्छु ।

केन्द्रतिर जे जे हुन्छ सबै राम्रो भन्छन्
गाउँमा त कुन्द्रे मुन्द्रेले मात गरेको देख्छु ।

मेरो मनको शान्तिलाई कहाँ खोजौ आज,
लुम्बिनीमा बुद्दलाई हात्-पात गरेको देख्छु ।

दमक, झापा

प्रकाशित मिति : प्रकाशन मिति : शनिवार, 10 पौष, 2067

लेखकका अन्य रचनाहरु