गजल

- रामकुमार पण्डित क्षेत्री

तिमी त कस्तो गन्हाउने भएछौ
जो भेट्यो उही समाउने भएछौ ।

खोई के जादु गर्छौ एकै रातमा
पाँच - छ लाख कमाउने भएछौ ।

ठूलाठूला नेता तिम्रै अघिपछी
शक्तिको धाक जमाउने भएछौ ।

पवित्र स्थलको निन्दा गर्दागर्दै
मैखानामा पो रमाउने भएछौ ।

ईमान्दारीको उपहास गर्नेले
बेमानी खोज्दै घुमाउने भएछौ ।

खराब छिमेकी खुशी पारीपारी
सिमाना आफ्नो गुमाउने भएछौ ।


सिमलटार, काठमाडौं

प्रकाशित मिति : प्रकाशन मिति : बिहीबार, 27 माघ, 2067

लेखकका अन्य रचनाहरु