गीत

- विनोद रोका

सँगै हुँदा लाग्यो तिमी नभएनि बाँच्छु ।
एक्लै हुँदा पनि सधै खुशीसाथ हाँस्छु ।।

तिमी गए देखि नै छटपटीन लागे ।
सम्झीएर तिमीलाई नै सारा रात जागँे ।।

उराठ लाग्दा भए दिन विरक्तीका रात ।
छटपटीदै छु एक्लै म, तिमी छैनौ साथ ।।

बितेका ती कुरा झिकी नबल्झाउन घाउ ।
माफी माग्छु प्रिया तिमी चाँडै फर्कि आऊ ।।

राखेको छु न्यानो माया तिम्रै लागि साँची ।
पर्खेको छु तिमी आउने दिन औलाहरु भाँची ।।

न्यूर्योक

प्रकाशित मिति : प्रकाशन मिति : सोमबार, 9 फागुन, 2067

लेखकका अन्य रचनाहरु