गजल

- रामकुमार पण्डित क्षेत्री

झ्याम्म लोला नहान् कान्छा झ्याम्म लोला नहान्
च्याप्प चोला नतान् कान्छा च्याप्प चोला नतान् । १ ।

सातै रङ्गी रङ्गहरु प्यारो लाग्या बेला
ल्याप्प कालो नछान् कान्छा ल्याप्प कालो नछान् । २ ।

छि: छि: गनाउने नालीको त्यो कालो पानी
दालै सम्झी नझान् कान्छा दालै सम्झी नझान् । ३ ।

भाईचारा, प्रेम, स्नेह बढ्ने पर्बलाई
स्वार्थ लुट्ने नजान् कान्छा स्वार्थ लुट्ने नजान् । ४ ।

भैगो माफी दिएँ एकचोटीलाई मैले
कमजोरी नठान् कान्छा कमजोरी नठान् । ५ ।

उदण्ड साथीका कुरा मान्दा के होला त?
तल गिर्छ नमान् कान्छा तल गिर्छ नमान् । ६ ।

धोका दिने भष्म हुन्छन् सन्देश होलीको
कच्चा धर्म नबान् कान्छा कच्चा धर्म नबान् । ७ ।

सिमलटार, काठमाडौं

प्रकाशित मिति : प्रकाशन मिति : आईतबार, 29 फागुन, 2067

लेखकका अन्य रचनाहरु