गीत

- सुदिना कुईंकेल

खै के मागेकी छु र मैले एक चिम्टी सिन्दुर न हो
आफन्त भै बाँचिदिने फगत एउटा मन्जुर न हो

सँगै मर्नु पर्दैन तिमीले सँगै बाँचिदिए पुग्छ
आँसु पुछ्नु पर्दैन तिमीले सँगै हाँसिदीय पुग्छ
खै के चाहेकी छु र मैले माया जीवन को जरुर न हो
आफन्त भै बाँचिदिने फगत एउटा मन्जुर न हो

आफ्नो भन्नु पर्दैन तिमीले पराई नठानिदिए पुग्छ
नजिक राखनु पर्दैन तिमीले टाढा नमनिदिए पुग्छ
खै के खोजेकी छु र मैले तिम्रो माया भरपुर न हो
आफन्त भै बाँचिदिने फगत एउटा मन्जुर न हो

माया गर्नु पर्दैन तिमीले मेरो माया लिए पुग्छ
केहि दिनु पर्दैन तिमीले मेरो नखोसी दिए पुग्छ
खै के गरेकी छु र मैले आफ्नो भन्ने कसुर न हो
आफन्त भै बाँचिदिने फगत एउटा मन्जुर न हो

प्रकाशित मिति : प्रकाशन मिति : मगलबार, 8 चैत्र, 2067

लेखकका अन्य रचनाहरु