गीत

- डा.रुपक श्रेष्ठ

चाहिंदैन भो जून तारा तिम्रै साथ काफी मलाई
मुटु झिकी तिमीलाई दिएँ तिमी भन्छौ पापी मलाई ।

नदेखाउ भो दया धर्म तिम्रै हात काफी मलाई
कलेजीमा छुरा धसी अझै भन्छौ पापी मलाई ।

छोड सबै रीति रिवाज तिम्रै बन्धन काफी मलाई
मैले भुलें संसारलाई अझै भन्छौ पापी मलाई ।

नराखीदेउ पर कहिल्यै तिम्रै छेउ स्वर्ग मलाई
मरेछु म भने पहिल्यै नभन है घाती मलाई ।

लन्डन

प्रकाशित मिति : प्रकाशन मिति : वुधबार, 23 चैत्र, 2067

लेखकका अन्य रचनाहरु