गजल

- रामकुमार पण्डित क्षेत्री

नगरकोटमा नि घुम्न जाउँला यो नयाँ बर्षमा
रसीला पोषीला केही त खाउँला यो नयाँ बर्षमा । १ ।

पोहोर त मैले भ्याइँन नि सखी फर्कन स्वदेश
भाकल राख्न त्याँ मन्दिर धाउँला यो नयाँ बर्षमा । २ ।

कोइली गाऊँछे पाखा र पर्बत शीतल हावामा
सुन्दर रुपको गीत नि गाउँला यो नयाँ बर्षमा । ३ ।

उषाको लालीमा देखिन्छ नि त्यहाँ सखारै डाडाँमा
हिमाल हेर्दै लौ पिरति लाउँला यो नयाँ बर्षमा । ४ ।

कहाँ छन् होला ति ससुरा मेरा म आउँछु मागन
तिम्रा ति कोमल हात नै पाउँला यो नयाँ बर्षमा । ५ ।

सिउँदो रङ्गिने सपना ति तिम्रा लौ पूरा हुने भो
जन्तिको साथमा म लिन आउँला यो नयाँ बर्षमा । ६ ।

प्रकाशित मिति : प्रकाशन मिति : सोमबार, 28 चैत्र, 2067

लेखकका अन्य रचनाहरु