गीत

- सागरबहादुर साउँद

तिमीले छोड्दा यो मन चर्क्यो तिम्रो त चर्केन ।
तिमीलाई माया गरेको दिन सम्झिदाँ फर्केन ।।

साउन वर्ष्यो मुसलधारे कलिलो प्रीतिमा ।
पिँडालु पातले तर्काउन खोजे केइ गरी तर्केन ।।

मायामा मेरो नुनचुक यहाँ कसले पो छर्केन
घाइते मुटु विझेको काँडा कैले पो झर्केन ।।

जिन्दगी भयो भदौरे मास निष्पट्ट अध्याँरो ।
उज्ज्यालो खोज्न आकाशै हेरें विजुली सर्केन ।।

आँशु पो दर्के पीडा पो दर्के हाँसो त दर्केन ।
खुशी मै जीवन लर्काउन खोजे तै पनि लर्केन ।।

यो तितो जीवन विसाउन खोजे फाल हाली भीरमा ।
कालका दिन घर्काउन खोजे केइ गरी घर्केन ।।

जोगबुडा, डडेल्धुरा

प्रकाशित मिति : प्रकाशन मिति : बिहीबार, 22 बैशाख, 2068

लेखकका अन्य रचनाहरु