गीत

- डा.रुपक श्रेष्ठ

आँगनछेउ गुलाफ फुल्दा नसम्झेकै कहाँ छु र
फूल ओइलिई भुईंमा झर्दा नदुखेकै कहाँ छु र?

छेउभन्दा कलेजिको पर कहिल्यै राख्याछैन
तिमीबिना कल्पनामा पनि मैले बाँच्याछैन
हरेक साँझ एउटा सपना नबुनेकै कहाँ छु र
फूल ओइलिई भुईंमा झर्दा नदुखेकै कहाँ छु र?

कुनै मिठो गाँस निल्दा मैले कहिल्यै भुल्याछैन
कुनै चिसो बास हुँदा पनि मैले भुल्याछैन
हरेक साँझ परेलीमा नभिजेकै कहाँ छु र
फूल ओइलिई भुईंमा झर्दा नदुखेकै कहाँ छु र?

लण्डन

प्रकाशित मिति : प्रकाशन मिति : मगलबार, 27 बैशाख, 2068

लेखकका अन्य रचनाहरु