गीत

- गीता त्रिपाठी

मेरो शब्दसँगै आउने प्रिय सारथी हौ
तिमी मेरो साँझलाई चोखो आरती हौ

भावभरि खुलिदिन्छौ, मीठो गीत बन्छौ
रित्तिऊँ म हृदयमा मितेरीको धन छौं
कुनै गीत लेखूँभन्दा नलेखिने रहेछ
धड्कनले नै गाउने गीत नदेखिने रहेछ

सबैभन्दा प्यारो गीत नसुनाऊँ भन्छु
आफ्नै निम्ति आफूभित्रै गुन्गुनाऊँ भन्छु
भावना यो मौसमजस्तो बाहिरै फुल्दो रहेछ
मनले सारा बन्धनहरु पनि भुल्दो रहेछ ।

प्रकाशित मिति : प्रकाशन मिति : सोमबार, 16 जेठ, 2068

लेखकका अन्य रचनाहरु