गीत

- हेमन्त परदेशी

ओ मेरी जून………ओ मेरो जिन्दगी
तिमी रोयौ र त रुझ्यो मनको धर्ती मेरो
नमरेरै जिन्दगीको उठ्यो अर्थी मेरो
तर पनि साँचेको छु मुटुभरी मायाँ
संझनामा बाँचेको छु बनि तिम्रै छायाँ

ओ मेरी जून………ओ मेरो जिन्दगी
सपनामा रातैभरी साथ साथै हुन्छौ
पोखिएको बैंश साट्दै अधर मेरो चुम्छौ
त्यसैले त हाँसेको छु एक्लै हुँदा पनि
बादलुको घुम्टो ओढी तिमी रुँदा पनि

ओ मेरी जून………ओ मेरो जिन्दगी
पर्खि बस्छु गोधूलिमा तिम्रै बाटो हेरी
हेर्दा हेर्दै टाढा हुन्छौ अनायसै फेरि
चाहना छ संगै बाँच्ने यौटै आकाश मुनि
परि आए तिम्रो लागि फेर्छु अर्को जुनी

ओ मेरी जून………ओ मेरो जिन्दगी

प्रकाशित मिति : प्रकाशन मिति : वुधबार, 1 आसाढ, 2068

लेखकका अन्य रचनाहरु