गीत

- सागरबहादुर साउँद

भूल्याछैन मैले घाँस काटेका ती बारीहरु ।
स्मृतिमा ताजै छन् गाँउ घरका नारीहरु ।।

अतीतका पलहरु नाँची नाँची आउँछन जब ।
झलझली देख्छु अझै बाख्रा चर्ने झारीहरु ।।

छहारीमा मात्तिएका घरकुटीका दिनहरु ।
याद आउँछन् बेहुला बेहुली खेलेका ती घारीहरु ।।

झिंजा टिप्न सँगै जान्थे हजूरआमा बन जाँदा ।
सम्झनामा अझै बोक्छु सोत्तरका भारीहरु ।।

गट्टा खेल्दा बल्छी थाप्दा जामून खाँदा रुखचढी ।
घुच्ची खेल्दा झ्याली गर्ने साधुराम र तारीहरु ।।

जोगबुडा, डडेलधुरा

प्रकाशित मिति : प्रकाशन मिति : सोमबार, 12 भाद्र, 2068

लेखकका अन्य रचनाहरु