गीत

- सागरबहादुर साउँद

अरुका त सपनीमा पूर्णिमाको जून लाग्यो ।
मेरा भने जिन्दगीमा भित्रभित्रै घून लाग्यो ।।

सृष्टि गर्ने ईश्वर पनि मेरा लागि बाँया लाग्यो ।
जोवन बयस रहरहरुमा बादलुको छाँया लाग्यो ।।
सबैका त जीवनमा खुशीयाली छून लाग्यो ।
मेरा भने जिन्दगीमा भित्रभित्रै घून लाग्यो ।।

उमेर आयो उर्लिएर आफै देखि माया लाग्यो ।
भित्रभित्रै खोक्रिएको जोवन देखि दया लाग्यो ।।
दूनियाँका रहरहरुमा बाँसुरीको धून लाग्यो ।
मेरा भने जिन्दगीमा भित्रभित्रै घून लाग्यो ।।

जोगबुडा, डडेल्धरा

प्रकाशित मिति : प्रकाशन मिति : शुक्रबार, 6 आश्वीन, 2068

लेखकका अन्य रचनाहरु