गजल

- आचार्य प्रभा

दशैंको त्यो रम्झमलाई मनमा लिई हाँस्दैछु म
परदेशमा भए पनि अतितको याद साँच्दैछु म ।

फुले होलान् सयपत्री आँगनमा मुस्काउँदै
यता भने काँडाघारी मनमा पाली बाँच्दैछु म ।

घर आँगन सिगार्न सबै उता ब्यस्त होलान्
यहाँ भने झल्झल्कोको दागसम्म माँस्दैछु म ।

गाउँघरमा च्याब्रुङ्,मादल घन्किएर बज्दैछन् रे
बिदेशमा बिलापको गीत कथी नाँच्दैछु म ।

निधारमा आशिषको टिका सबले टाँस्दै होलान्
प्रवासमा आसुँ झार्दै झुटो आशिष टाँस्दैछु म ।

प्रकाशित मिति : प्रकाशन मिति : आईतबार, 22 आश्वीन, 2068

लेखकका अन्य रचनाहरु