गजल

- रामकुमार पण्डित क्षेत्री

रातो टीका निधारमा कान माथि जमरा
कत्ति खुशी यो दशैमा फूल अनि भमरा

लहलह झुलेका छन् धान बाला खेतमा
बगैँचामा फले धेरै स्याऊ अम्बा अमला

कति मीठो सुवास छ मगमग बासना
सयपत्री फक्रे पछि दंगै पर्छ गमला

खुशीयाली चारैतिर दंग छन् है किसान
दु:ख विराम जस्तै हो हुन्न कतै हमला

आनन्दको वर्षा हुन्छ सबै घर घरमा
ऋणै काढे पनि खुशी साहु भन्दा कमरा

बिछोडको अन्त्य हुन्छ परिवार जनमा
भेटघाट गरी बाँड्छन् प्रेममयी मसला

काठमाडौं

प्रकाशित मिति : प्रकाशन मिति : आईतबार, 22 आश्वीन, 2068

लेखकका अन्य रचनाहरु