मनको घाउ दुखिरह्यो

- राजु “हिमांशु”

कस्तो छायाले छेल्दैछ मायालाई ?
उज्यालो देख् नै पाएको छैन त्यसले
दिउँसै बलात्कृत भएर घरिघरि !

सामूहिक बलात्कारपछि
सामूहिक विरोधको आवाज सुनेर
पीड़िता–मायाले सञ्चोपन अनुभव गर्न सकिन ।

मनको घाउ दुखिरह्यो
सुरक्षा मूर्तिवत्: भएर उभिरह्यो
आरोपको तीरले छेड़िएर ।

घाउमा मलम लगाउने तरखर गर्छ सरकार
बथाने विरोधकों ऊर्जा देखेर
कानून पारित भएको भोलिपल्टै
उल्लङ्घन हुन्छ त्यो कानून फेरि
कुमारीत्व लुटिएर बिहानै
एउटा गाउँमा ।

अहो !
प्रजाको तन्त्रमा प्रजा नै असुरक्षित हुन्छन् प्रजाबाटै
त्यसरी अचेल !!

डाउहिल पथ, खरसाङ, दार्जिलिङ ,

प्रकाशित मिति : प्रकाशन मिति : वुधबार, 28 श्रावण, 2071

लेखकका अन्य रचनाहरु