गजल

- भाष्कर काजी

रोटी सानो पाक्छ कि ठूलो हेरिरहन्छ
छोरो भान्साको चुलो हेरिरहन्छ ।

मिस कल आइरहन्छ बेहुलीलाई
छेउमै बसेर बेहुलो हेरिरहन्छ ।

अर्कोतिरबाट निस्किसक्यो मुसो
बिरालो अगाडिबाट दुलो हेरिरहन्छ।

कता पुग्यो-पुग्यो गाडी थाहा छैन
बरा ट्राफिक धुवाँ धुलो हेरिरहन्छ।

टोलाईरहन्छ किसान खेतको डिलमा
घरि आकाश घरि कुलो हेरिरहन्छ ।

रुँघा - ७, रुकुम

प्रकाशित मिति : प्रकाशन मिति : वुधबार, 12 चैत्र, 2076

लेखकका अन्य रचनाहरु