सातो हराएकी दार्जिलिङ

कविता मञ्जुला तामाङ सुब्बा November 30, 2020, 3:00 pm

मञ्जुला तामाङ सुब्बा
मञ्जुला तामाङ सुब्बा
महाकाल धामको डाँड़ाबाट

तिमीलाई हेर्दो ओ दार्जिलिङ !

ववित्र शान्त ईश्वरीय

तार्थस्थल झैं देख्छु ।

कल्पनाका पखेटाहरू

फैलाई अप्सरा बनी

तिम्रा वरिपरि भक्तिमय

उड़ानहरू भरिरहेकी छु ।

हरिया थुम्काहरूका बुट्टेदार

तिम्रा आँचलबाट

चियाबारीका सुन्दरलालाई

चियाउँदा ओ दार्जिलिङ !

विश्व प्रसिद्ध चियाका चुस्कीहरूमा

चियाबारीका वेदनाहरू

नुनिलो आँशु र शोषित

पसिनाका वाफहरू

उड़़िरहेको देखिरहेछु ।

गम्बुटले छेलिएका

खुट्टाका ठेलाहरू

चियाका बुट्टाभरि

अल्झिएका सुस्केराहरू

शोषित मजदूरहरूका

भक्कानाहरू सुनिरहेछु ।

ओ दार्जिलिङ !

तिम्रा आँजचलले छोपिएा

दग्ध हृदय रोएको देखिरहेछु ।

हिमालय पर्वत ऋृङ्खलाबाट

कञ्जचनजङ्घाको मुस्कान हेर्दा

ओ दार्जिलिङ !

झलल झल्किरहेको चाँदीको घुम्टोभित्र

काले चट्टान

उदाश बनेको देख्दछु ।

ओ दार्जिलिङ !

तिम्रा सुन्दरतामा कसैको कालो

नजर लागेको रहेछ ।

खुशीको मुखुण्डो ओड़ी

कञ्चनजङ्घा हाँसेकी होइन

रोएकी रहिछ ।

अविरल अश्रुधारा झैं खोला

झरना नदी बन्दै पग्लेको रहेछ ।

ओ दार्जिलिङ !

तिम्रा शिरको ताज

धमिलो भएको रहेछ ।

लाली-गुराँस चाँप-चचमेलीका

पाखाहरूबाट

तिम्रा सौन्दर्य अवलोक्न गर्दा

ओ दार्जिलिङ !

अजम्बरी जड़ीबुटीका घनी

मक्ख परेकी तिमी

यही सौन्दर्य देख्दा कहिले-काहीँ

यस्तो भान हुन्छ

ईश्वरले रचेछन् स्वर्ग यहीँ ।

तर उफ....!

दार्जिलिङ तिमी ता

सुकेनासले

स्वयम् पहेँलिएछौ ।

स्वच्छ जलवायु र जड़िबुटीले

स्वस्थ बनाउन सकेन तिमीलाई ।

सरूवा रोग र पापी नजरहरूले

रोगी बनायो तिमीलाई ओ दार्जिलिङ !

शताब्दी बित्यो महान् बनिरह्यौ,

आफ्ना वेदनाहरूलाई लुकाई

काखभरि रमाउन दिइरह्यौ अरूलाई ।

पर्यटकहरूका हल्लाहरूले

तिमीलाई लुछ्ने परिचित नङ्ग्राहरूले

को'नि कसले के के ठट्टाएर

तिमीलाई खोक्रो पारिदिए

यसैले तिम्रो सातो उड़ेको रहेछ ।

तब ता तिमी

बहिरो, कानो, लाटो अनि

अन्धो बनेकी रहिछौ

सुर्ताउऩ पर्दैन

ओ दार्जिलिङ !

लाखौं असत्य भाकलहरू

अनि

झूठा कसम साँच्नेहरूलाई

क्षमा प्रदान गर्ने

महाकाल तिम्रा माथमा छन् ।

तिम्रा भाषामा सातो बोलाउने सिञ्चेल धामको

सङ्घार छँदैछ ।

तिमीलाई दुःखेको छ ओ दार्जिलिङ !

तिम्रा पीड़ामा थप्थपाउने

हामी दार्जिलिङवासी

साथमा छँदैछौं ।

ओ दार्जिलिङ

मेरी प्यारी दार्जिलिङ !

घूम, दार्जिलिङ (भारत)

लेखकका अन्य रचना पढ्न यहाँ क्लिक गर्नुहोस ।