17 वर्षदेखि निरन्तर
समकालीन साहित्य

खोजी

कविता ठाकुर मान लामा June 4, 2009, 1:24 pm

कसले लेख्यो यो कबिता

खोज्दैछ यो संसार

बाँच्दा कसैले वास्ता गरेन

बिचित्र छ यो संसार

कति हर्षका शब्द लेखे

स्वीकारेन यो संसारले

कति पिडाका अक्षर कोरे

बुझेन यो संसारले

प्रकृतिको आचल छोए

हेरेन यो संसारले

मातृभुमिको माटो लाए

देखेन यो संसारले

अस्तित्व आफ्नो आफैले बिर्सिए

चियाउन पनि चाहेन यो संसारले

ह्दय छिया छिया पारी बाडे

सम्झेन कतै यो संसारले

फेरी

किन आज मलाई सोध्दैछ

किन आज मलाई डाक्दैछ

टाढिई सके यो जुनीबाट

त्यै पनि मलाई खोज्दैछ

यो संसारले

यो संसारले …।

लेखकका अन्य रचना पढ्न यहाँ क्लिक गर्नुहोस ।