15 वर्षदेखि निरन्तर
समकालीन साहित्य

गजल

गजल भुपेन्द्र महत July 14, 2009, 2:01 am

एउटा बुद्ध चाहियो भन्छ मलाई मेरो माटो

बोलाम कसो गरि जताततै बन्द भाछ बाटो

पसिनाको थोपाले लेख भन्छ ईतिहास फेरि

कसरी लेख्नु बारुद छ कलममा मसीको साटो

जपतपको आरध्य जगमा गौतम बुद्ध बने

हाँस्छ अचेल सिस्नो सित तेही तपोभूमिको पाटो

सदभाबको लाली गुराँस फुल्यो भन्थे पाखामा

के फुल्थ्यो अझै लथपथिएको रैछ रगतको टाटो

एउटा सबालले घोची रहन्छ अस्मिता माथि

बहादुर बादुर भयौ अब हामी बाठो कि लाटो

लेखकका अन्य रचना पढ्न यहाँ क्लिक गर्नुहोस ।