19 वर्षदेखि निरन्तर
समकालीन साहित्य
समकालीन साहित्य
डुबेको छु धेरै गहिरो मनको इनारमा
जति भित्र पस्दै जान्छु पाउँछु किनारमा ।
मेरो संसार त्यही देखेँ जैलेदेखि डुबेँ
निस्कुँ भन्छु जति जित त्यति तल पुगेँ ।
मात लाग्छ अङ्ग-अङ्ग एकै हेराइले
डुबाउँथेन मलाई कुनै अरू गहिराइले ।
कता राखूँ यस्तो मनलाई राखे सिरानमा
डुबेको छु धेरै गहिरो मनको इनारमा ।
फस्दै गएँ म त धेरै बाक्लो बादलमा
हराउँन थालें आफू आँखी-गाजलमा ।
कति होला मनको गहिराइ हेर्न पाएदेखि
यो मनले त्यो मनलाई बेर्न पाएदेखि ।
आफ्नै नाम लेख्न हुन्थ्यो उनको निधारमा
डुबेको छु धेरै गहिरो मनको इनारमा ।