गुनासो

कविता शेखर ढुंगेल July 24, 2009, 9:50 pm

---

गुनासो

अर्थात" गु" को नासो

अर्थात दुषित नासो

घरघरमा हेर

श्रीमतीको गुनासो

भाई भाई लडाएको छ

समाजलाई हेर

आफन्त कै गुनासो

मित्रलाई भिडएको छ

" गु" नासोको चाल

जबर्जस्त अन्धो बनाउछ

" गु " नासोको जाल

बुझ्नै गार्हो कुटिल हुन्छ

" गु " नासो कतै

साचिलो बन्दै पोखिन्छ

" गु " नासो कतै

अक्रोस बनी थोपरिन्छ

" गु " नासो कतै

भ्रमको खेती गर्छ

" गु" नासो कतै

पक्ष बिपक्ष र बिबाद

लाई गोडमेल गर्छ

"गु " नासो

अबिश्वासको बिउ छर्दछ

" गु " नासो कतै

मित्र घात् अस्त्र बनिदिन्छ

" गु " नासो

स्वयमलाई खोक्रो मात्र होइन

समाजमा आगो सल्काइ दिन्छ

" गु " नासो कतै

चित्त दुखाइ त कतै

बिरोध बनेर झोसिन्छ

यो " गु " नासो

बनाउने कम बिगार्ने ज्यादा गर्छ

अनी

स्वच्छ समाजलाई दुषित

बनाउछ

०७-२१-२००९

[email protected]

लेखकका अन्य रचना पढ्न यहाँ क्लिक गर्नुहोस ।