आँखाको गहिरो

कविता मनोज बोगटी August 28, 2009, 10:00 am

---

तिम्रो आँखामा लतपतिएको त्यो यौनिक रङले तानेर

कतै लगिरहेछ

मेरो लुते मर्यादालाई।

मेरो मर्यादा

आफ्नो सबै भन्दा सम्वेदनशील अङ्गलाई

पातलो स्वाभिमानले छोपेर

ठिङ्ग उभ्छ

आगोको दैलोमा।

तिम्रो आँखाको आगो पटक्कै निभ्दैन।

कता-कताबाट पग्लिन्छ हिउँपुरुष

कुनै पोखरीमा जम्दैन।

पग्लिबस्नुको यो मीठो स्वाद

जीवनको मीठो कविता

एक्लै भोग्छु म।

•

अर्धनग्न नायिकाको यो तस्वीरको गहिरोमा

जति डुब्छ मेरो मर्यादा

उति बन्द हुन्छ

उसको आँखा।

लेखकका अन्य रचना पढ्न यहाँ क्लिक गर्नुहोस ।