15 वर्ष देखी निरन्तर
समकालीन साहित्य

चोर औंला

लघुकथा कृष्ण बजगाईं September 1, 2009, 3:14 pm
कृष्ण बजगाईं
कृष्ण बजगाईं

उनको एक हातको पाँचवटा औंला संयुक्तरुपमा सक्रिय थिए । तिनैले मागेर ल्याउँथे र सम्पूर्ण शरिरलाई मात्र होईन उनीसंग आश्रित परिवारलाई पनि भरणपोषण गर्दथ्यो ।

केही समयपछि उनका दुवै हातका दशवटै औंला संयुक्तरुपमा सक्रिय भए । दुई हात जोडेर दशैवटा औलाको सहयोगमा मागे । दयालु दाताहरुले उनलाई चुनावमा मत दिए ।

ख्याँउटे शरिरले थामि नसक्नु फूलमालाको भारी, रंग–अबिर र विजयको मुस्कान पायो । त्यो त्यहीं बिसाएर उनी राजधानी हानिए । दौरा, सुरुवाल, टोपी र टलक्क टल्केको जुत्ता लाएर सिंहदरवार भित्र छिरे ।

केही बर्षैमा उनले राजधानीमा घरघडेरी जोडेको कुरा चल्दा उनका दयालु दाताहरुले पत्याएकै थिएनन् । हेर्दा–हेर्दै टेलिभिजनको पर्दा तथा अखवारका पानामा उनको ख्याँउटे ज्यान हट्टाकट्टा खाईलाग्दो अनुहारमा परिणत भएको देखियो । आजकाल उनको हातको चोर औंलामात्र सक्रिय छ ।

लेखकका अन्य रचना पढ्न यहाँ क्लिक गर्नुहोस ।