14 वर्ष देखी निरन्तर
समकालीन साहित्य

गीत

गीत हस्त गौतम 'मृदुल' September 8, 2009, 7:22 am

केटा:

सिम सिम पानी परी रहेछ, कसैको याद आइ रहेछ

एक्लो हुँदाको पिंडाले, कुटु कुटु यो मुटु खाइ रहेछ

केटी:

धिप धिप दियो बलीरहेछ, मनमा तृष्णा जागी रहेछ

अनयासै आज मलाई, उसैको माया लागी रहेछ

केटा:

बुझ्दैन चित्त मेरो अब, मनको तृष्णा मेटे बिना,

सार्थक हुन्न जीवन मेरो, तिमीलाइ मैले भेटे बिना

केटी:

प्यासीले नै कुवा धाउँछन रे, तर कुवाले प्यासी खोज्यो

यत्रो ठुलो दुनियाँमा पनि, यो मनले तिमीलाइ रोज्यो

केटा:

सिर सिर हावा चली रहेछ, कसैको याद आइरहे छ

एक्लै हुँदाको पिंडाले,कुटु कुटु मुटु खाइ रहेछ

केटी:

धिप धिप दियो बलीरहेछ, मनमा तृषणा जागी रहेछ

अनयासै आज मलाई, कसैको माया लागी रहेछ।

केटी:

भैगो म पनि तिमीलाई, साथ दिने प्रण गर्छु

यहि नै सपना हो भने, आजै देखि नै ग्रहण गर्छु

केटा:

धेरै खुशी हुने छु म,चाहे कै कुरा पाए पछि,

सपनाकी रानी बनेर, यो जीवनमा आए पछि

केटी:

कल कल खोला बगिरेहेछ, कसैको माया लागी रहेछ

किन किन मेरो मन पनि, उसैको पछि भागी रहेछ

केटा:

झलमल जुन लागीरहे छ, कसैको याद आइरहेछ

एक्लो हुँदाको पिंडाले, कुटु कुटु मुटु खाइ रहेछ

लेखकका अन्य रचना पढ्न यहाँ क्लिक गर्नुहोस ।