18 वर्षदेखि निरन्तर
समकालीन साहित्य
समकालीन साहित्य
खुशीहरु समेटेर फर्की आउँला आउँदो सालैमा
आमा बाबुलाई सुख दिउँला बुढेशकालैमा
धेरै भयो यस्तै यस्तै बाचा बाँधेको
फर्किने दिन गन्दा गन्दै भाका नाघेको !
आमा भन्थे पढिगुनी ठुलो मान्छे बन्नु
स्वाभीमानी बनी सधैं देशको सेवा गर्नु
तर बिवश परदेशिएँ धेरै सपना सँगालेर
मनभरी बिछोडको पिडाहरु अंगालेर !
सुख दु:ख साट्न फेरी आउँदैछु म गाउँ फर्केर
गाउँघरका साथी सँगि सबैलाई भेट्ने गरेर
धेरै भयो यस्तै यस्तै बाचा बाँधेको
फर्किने दिन गन्दा गन्दै भाका नाघेको !
चियाबारीले सुहाएको स्वर्ग जस्तै मेरो गाउँ
उस्को याद्ले छाती पोल्छ, कहिले भेट्न पाउँ
धेरै भयो माया सम्झी तस्विर उस्को अंगालेको
मनभरी मिठो माया उस्कै निम्ती सँगालेको !
बियोगको यो पल सम्झी भेटन छिट्टै आउँदैछु
मुटु भरी तिमीलाई सजाई माया लाउँदैछु
धेरै भयो यस्तै यस्तै बाचा बाँधेको
फर्किने दिन गन्दा गन्दै भाका नाघेको !