17 वर्षदेखि निरन्तर
समकालीन साहित्य
समकालीन साहित्य
सँगसँगै हिँडयौ मात्र, साथ माग्नै भूल्यौ
मझधारमै डुब्दा पनि हात माग्नै भूल्यौ ।
आफ्नै सुरमा हराएर, सपनिमै बिलायौ
तिम्ले मेरो प्रेमको खात माग्नै भूल्यौ ।
चाल हेर्यौ हाल हेर्यौ, रहिछौ अदना
अधरबाट खस्ने मीठो बात माग्नै भूल्यौ ।
बिछ्यौनामै मस्त, अँध्यारोको निशामा
आकाशमुनि जूनेली रात माग्नै भूल्यौ ।
गँुड लाउँदैमा चरीको, डाली आफ्नो हुन्न
चुरापोते सिन्दुरसीत मात माग्नै भूल्यौ ।
मूर्खै सम्झयौ तिम्ले, माया गर्ने सब्लाई
बैँशालु मातले मेरो जात माग्नै भूल्यौ ।
रुँघा ७, रुकुम
हाल: त्रि.बि. कीर्तिपुर, काठमाण्डौ