14 वर्ष देखी निरन्तर
समकालीन साहित्य

गीत

गीत खहरे January 3, 2010, 12:22 pm

बाँच्नैपर्ने जिन्दगी यो बाँचेको छु जेनतेन

यो नै ठुलो रैछ भने अरु पो त गर्नु किन ।

आकाशका ताराहरु टिप्छु भन्थ्यो कोही-कोही

कोही फेरी घामसरी फुल्छु भन्थ्यो जहिँतहिँ

त्यस्तासँग मेरो केहि छैन हजुर लेनदेन

बाच्नै पर्ने जिन्दगी यो बाँचेको जेनतेन ।

मोटाउन खोज्छ कोही पराइको खुन चुसी

कोही फेरी रित्याएर दिनुमा नै देख्छ खुशी

मेरो माग्ने चिज छैन, न त सक्छु केहि दिन

बाँच्नै पर्ने जिन्दगी यो बाँचेको जेनतेन ।

लेखकका अन्य रचना पढ्न यहाँ क्लिक गर्नुहोस ।