14 वर्ष देखी निरन्तर
समकालीन साहित्य

पानी – रूपान्तरण

कविता श्रीशीशा राई January 26, 2010, 6:47 am

बगिरहेछ

पानी बगिरहेछ

तर यो अब पानी मात्र रहनेछैन

यो दूध बन्छ अब

बुँद बन्छ अमृतको

त्यसो त यो चाहेमा

जाँड – तरल बनिदिन सक्छ

भाङ – रहलपहल बनिदिन सक्छ

नसा – नसा, मष्तिष्क – मष्तिष्क बग्न सक्छ

बहनलाई त यो पसिना बन्न सक्छ, रगत बन्न सक्छ

कन्फ्युजन छैन.........

दूध बग्छ अब सडकमा, अमृत बग्छ

दूध र बँद पानीमा स्खलित भएर

फेरि खोलामा बगेनन् भने अब

गोली मोतीको दानामा रूपान्तरण हुन्छ

अश्रुग्याँस गुलाबमा

कफ्र्यु बजारमा परिणत हुन्छ

लाठी लौरोमा

चक्रपथ बन्छ यात्रा

चक्रपथ

लेखकका अन्य रचना पढ्न यहाँ क्लिक गर्नुहोस ।