14 वर्ष देखी निरन्तर
समकालीन साहित्य

गजल

गजल जितेन्द्र मल्ल February 26, 2010, 6:43 am

मुटु भरी वेदनाले , आँशु झार्दा गजल बन्छ ।।

यो मनले त्यो मनमा, डेरा सार्दा गजल बन्छ ।।

सुख दु:ख सँगम जीवन, भन्छन भन्नेहरु तर ,

दु:खरुपी तुवाँलोले, सुख बार्दा गजल बन्छ ।।

अन्धकारमै हराएर, सारा जीवन जिउँदा जिउँदै,

उजेलिमा रम्ने झिनो, आश मार्दा गजल बन्छ ।।

कि त पढि कि त परी , जानिन्छ रे भन्छन यहाँ ,

पिडासँगै जीवन अझै, सुनझै खार्दा गजल बन्छ ।।

जीवन भन्नु जुवा ठानी,खुशी सबै दाउमा राखी,

'जितु'ले नै जिन्दगीको, बाजी हार्दा गजल बन्छ ।।

लेखकका अन्य रचना पढ्न यहाँ क्लिक गर्नुहोस ।