14 वर्ष देखी निरन्तर
समकालीन साहित्य

गजल

गजल आचार्य प्रभा May 10, 2010, 7:31 am

जवानीमा कसैको पनि डर हुन्न भन्छन्

पिरतीमा त्यसैले पनि भर हुन्न भन्छन् ।

अल्लारेमा जवानीलाई दाउ राख्छौ किन

खेल ठट्टा गर्नेको पनि घर हुन्न भन्छन् ।

प्रेम पत्र कोरे मात्र माया सफल् हुन्न

मुटु मुटु नसाटी पनि धर हुन्न भन्छन् ।

चोखो माया भएमा मात्र प्रेम दिगो हुन्छ

माया प्रिती गाँस्नेको पनि थर हुन्न भन्छन् ।

मनबाटै माया लाए जिवन् सफल बन्ला

माया लाउन पनि यहाँ कर हुन्न भन्छन् ।

लेखकका अन्य रचना पढ्न यहाँ क्लिक गर्नुहोस ।