गजल

गजल बोध राज पन्त ‘अनागत’ May 14, 2010, 12:54 pm

---

तिमी दुःखी भन्छ्यौ आफू तर सुखी भन्छु म त

अर्को जन्म पाएँ भने स्वास्नी मान्छे बन्छु म त ।

हाँस्नलाई साथ दिंदा, रुनलाई काख दिंदा

देख्दिन म आफ्ना दुःख तिम्रा सुख गन्छु म त ।

गहना हुन् तिम्रा आँशु मैले रोए गोही हुन्छु

तिम्रो घाँटी सजाउन आफ्नो चिहान खन्छु म त ।

तिम्रो सुँक्क कति चर्को, मेरो डाँको सुनिदैन

तिमी भित्र म बाहिर नाङ्लो यो निफन्छु म त ।

कतै मैले यसो भन्दा चस्स छाती दुख्यो कि त ?

फेरि पनि तिम्रै मात्र चिन्ता मानि रन्छु म त ।

मणिग्राम, रुपन्देही, हालः हुम्ला

लेखकका अन्य रचना पढ्न यहाँ क्लिक गर्नुहोस ।