गजल

गजल सीमा आभाष June 8, 2010, 2:16 pm

---

दुनियाँले नटेकेको मेरो शहर तिमीलाई

कसैसँग नसाटेको मेरो रहर तिमीलाई ।

डाँडा, पाखा, फूल चौर सङ्गीतको धूनसँगै

पूर्णिमामा फूल्ने जून, तारा लहर तिमीलाई ।

सारङ्गीमा रेटिएर युगयुग बाँच्ने प्रीति

हाम्रो आँसु हाँसो बग्ने प्रेम नहर तिमीलाई ।

आँखाभरि सजाएका, मुटुभरि फूलाएका

तिम्रै लागि लेखिएका गजल बहर तिमीलाई ।

खै के दिउँ प्रेम चिनो मात्र रित्तो मान्छे हुँ म

फूलैफूल बनी फूल्ने पैलो पहर तिमीलाई ।

लेखकका अन्य रचना पढ्न यहाँ क्लिक गर्नुहोस ।