19 वर्षदेखि निरन्तर
समकालीन साहित्य
समकालीन साहित्य
फेरि आज सपनीमा, निष्ठुरीको छाँया भेटें
नबाँडिएर राखिएको, कलेजीको माया भेटें ।
मेरो निम्ति सजाइएको, एउटा खाली सिउँदो थियो
आँखाभरि मीठो सपना, उही मुस्कान जिउँदो थियो
खोजी थियो जसको अचेल, आफ्नै दायाँवायाँ भेटें
नवाँडिएर राखिएको, कलेजीको माया भेटें ।
गाह्रो हुन्छ एक्लो यात्रा, साथ चाहिन्छ थाहा थियो
काँढा विझ्दा झिकिदिने, हात चाहिन्छ थाहा थियो
हिड्दा हिड्दा दोवाटोमा, आफन्तको काया भेटें
नवाँडिएर राखिएको, कलेजीको माया भेटें ।
कैलाली