प्रेमको ईन्टर कनेक्सन

कविता गोबिन्दिसंह रावत July 17, 2010, 2:42 pm

---

मैले पाएको उपहार कसैबाट

श्रीमतीलाई नभनी तिमीलाई दिए

तिमीले मबाट पाएको उपहार

मलाई नभनि

आप्mनो प्रेमीलाई दियौं

प्रेमीले तिमीबाट पाएको सौगात

तिमीलाई नभनी

आप्mनो प्रेमीकालाई दियो

उसको प्रेमिकाले आप्mनो पोई रिझाउन

तिम्रो उपहार श्रीमानलाई दियो

उसको श्रीमान पनि चरुवा रहेछ क्यारे

त्यही उपहार

आप्mनो भईपरि आउने प्रेमीकालाई चढायो

उसको प्रेमिकाले पनि त्यही उपहार

आप्mनो अर्को प्रेमीलाई दियो

त्यही अन्तिम प्रेमीनै

मेरी श्रीमतीको नाठो रहेछ क्यारे

घुमीफिरी त्यही उपहार

प्यारो लोग्ने भएकोले श्रीमतीबाट मैले पाए

शायद त्यसैले होला प्रेम अन्धो हुन्छ भन्छन्

कसैले नदेख्ने भएकोले नै

एउटा हुँदाहुँदै पनि अर्कोसंग गर्छन् ।

क्यानडा

लेखकका अन्य रचना पढ्न यहाँ क्लिक गर्नुहोस ।