गजल

गजल निशान निष्कर्ष July 24, 2010, 9:48 pm

---

मलाई बास दिने चोक छ आकाशमुनि छु म

मेरो ओछ्यान कसले तोक्छ आकाशमुनि छु म

देश बनाउन लागिपर्छन् भन्ने सुनेको छु

विकासमा मिठो भोक छ आकाशमुनि छु म

सयौँ हिँड्छन् हजार डुल्छन् मेरो ओछ्यान टेक्दै

उत्पीडनले साह्रै टोक्छ आकाशमुनि छु म

रात रुन्छ जुनेलीमा शीतको थोपा झार्दै

पूर्ण छु म सबैथोक छ आकाशमुनि छु म

शखी छैन एक्लै हैन मेरो दुनियामा

नजरले भेट्ने लोक छ आकाशमुनि छु म

लेखकका अन्य रचना पढ्न यहाँ क्लिक गर्नुहोस ।