14 वर्ष देखी निरन्तर
समकालीन साहित्य

रुझेको मझेरी

कविता विश्व सिग्देल August 1, 2010, 7:21 am

टाढा यात्रामा गएका

एकजोडी गौंथली

हिजै राती दलिनमा

वास बस्न आइपुगे

मैले चुलो लोटाउँदा

गग्रेटोमा बसे

बत्ती कात्न लाग्दा

मूलथाम वरिपरि घुमिरहे

म तिम्रो यादमा रमाइरहेथें

गौंथलीले दियो घरमा बसेर

साउतीको स्वरमा खै के–के भने

लाग्यो

तिमीलाई सोधिरहेछन् !

अघिल्लो हिउँदमा

हामी

यही अगेनाका छेउमा

सुत्थ्यौं नि हो गि ?

कटुसका काँढा त

खुट्टामा मात्र बिझ्छन्

ऐसेलुका काँढा त

हात मात्र कोपर्दछन्

हाल: बार्लोगञ्ज,मसुरी

लेखकका अन्य रचना पढ्न यहाँ क्लिक गर्नुहोस ।