17 वर्षदेखि निरन्तर
समकालीन साहित्य
समकालीन साहित्य
हाँसेर सधैं जिउँला भन्थेँ सागर पिएछु
मनको ब्यथा टाल्नको निम्ती हाँसोले सिएछु ।
सुखमा मन हाँसेर भुल्छ दु:खमा आत्तिन्छ
जिन्दगी भन्नु दु:खको सार जानेरै जिएछु ।
रातमा चन्द्र मुस्काइ दिन्छ दिनमा लुक्दछ
मुस्कान छर्न चन्द्रमा बन्ने आशामा थिएछु ।
जीवन चक्र घुमेर आयो दु:खको साथमा
सुखको हात पन्साइ मैले संघर्ष लिएछु ।
अमेरिका