गजल

गजल भुपेन्द्र महत August 9, 2010, 11:22 pm

---

छारो उड्न थाल्यो अरे, आङ कनायौ कि ?

नाकै थुन्न पर्ने भो रे, तिमी गनायौ कि ?

न बनायौ , न सघायौ , पर्छ ओतिनु त

भत्काएर आफ्नै घर ,जात जनायौ कि ?

च्याँखे थापी मनहरु, कस्तो पन जित्यौ

खुशी भनी कतै फेरि, शोक मनायौ कि ?

बलिर'छ शान मान, नहोस् खरानी त्यो

निभाउछु भन्दै अझै, तेल खनायौ कि ?

आत्मा साक्षी राखी हेर, एक चोटी तिमी

तिखारेर कलममा, धार बनायौ कि ?

लेखकका अन्य रचना पढ्न यहाँ क्लिक गर्नुहोस ।