19 वर्षदेखि निरन्तर
समकालीन साहित्य
समकालीन साहित्य
जिन्दगीमा यति धेरै उतार चढाव देखें
यो जिन्दगी बाँचे पनि जिन्दगी अभाव देखें
रुनु हाँस्नु भन्छन साथी सिक्काका दुइ पाटा
सधै सधै यौटै पाटो आँसुको बहाव देखें
म भित्रको अभिमान मार्छु एक एक गरी
जगतमा सारा मैले बुद्द कै प्रभाव देखें
बाँकी नै छ देख्न उन्को असली अनुहार त
'अनुरागी' आज मैले लाएको नकाब देखें
बिद्रोह त पक्कै हुन्छ आज नभए भोलि
भित्र भित्रै गुम्सियको सारा दबाब देखें